Мадриднинг «Атлетико» жамоаси бош мураббийи Диего Симеоне Чемпионлар Лигаси яримфинал босқичи доирасидаги «Арсенал»га қарши ўйин (1:1)да жамоаси дарвозасига белгиланган пеналти ҳақида фикр билдирди.
«Чемпионлар Лигаси яримфиналида пеналти белгилаш учун сен бу ҳолатнинг аниқ пеналти эканига ишонч ҳосил қилишинг керак. Ҳанско ва Гокереш ўртасидаги тўқнашувда контакт менга жуда кичикдек туюлди ва бу пеналти эмас деган таассурот қолдирди», — дея Симеоненинг сўзларини келтиради The Touchline.
Қайд этиш лозим, «тўпчилар» 44-дақиқада ҳисобни очди, Виктор Гокереш 11-метрлик жарима зарбасини аниқ амалга оширди. 56-дақиқада эса «матрасчилар» ҳам пеналти ишлаб олди ва Хулиан Алварес зарбани голга айлантирди.
