Хулиан Алвареснинг жароҳати ҳақида тафсилотлар пайдо бўлди.
Эслатиб ўтамиз, «Атлетико» ҳужумчиси Чемпионлар Лигаси яримфиналидан ўрин олган «Aрсенал»га (1:1) қарши биринчи ўйиннинг 77-дақиқасида рақиб яримҳимоячиси Эберечи Эзе билан тўқнашувда олган жароҳати сабаб алмаштирилганди.
Журналист Вероника Брунатининг хабар беришича, ўтказилган текширувлар тўпиқ боғламларида енгил чўзилиш борлигини кўрсатган. Агар тикланиш жараёни яхши кечса ва қайта жароҳатланиш юз бермаса, аргентиналик 26 ёшли футболчи «Арсенал»га қарши жавоб ўйинида иштирок этиши мумкин.
Маълумот учун, «Арсенал» ва «Атлетико» ўртасидаги жавоб баҳси 5 май куни Лондонда ўтказилади.
