Англиялик вингер Жейдон Санчо фаолиятини яна Дортмунднинг «Боруссия» клубида давом эттириши мумкин. Бу ҳақда Bild нашри хабар берди.
Манбага кўра, Дортмунд клуби бош мураббийи Нико Ковач Санчонинг аввалги спорт формасини тиклашига ишонмоқда. Футболчи ёзда «Манчестер Юнайтед»ни эркин агент сифатида тарк этган.
Қайд этилишича, клуб ҳозирча Санчо билан шахсий музокара ўтказмаган. Бироқ трансфер ойнаси якунига яқин ҳужум қанотида футболчилар етишмаса, 26 ёшли футболчи жамоа учун фойдали вариантга айланиши мумкин.
Шунингдек, «Боруссия» раҳбарияти Карим Адейемининг «Барселона»га ўтишидан сўнг Санчони клубнинг янги юзига ва мухлисларни ўзига жалб қиладиган футболчига айлантиришни режалаштирмоқда.
Эслатиб ўтамиз, Жейдон Санчо аввал ҳам «Боруссия» сафида 2017–2021 йилларда ҳамда 2023/24 йилги мавсумнинг иккинчи ярмида тўп сурган.
