«Боруссия Д» ва Норвегия миллий жамоаси ҳимоячиси Юлиан Рюэрсон фаолиятини «Манчестер Юнайтед»да давом эттириши мумкин. Бу ҳақда Bild хабар берди.
Манбага кўра, инглиз клуби футболчининг вакиллари билан эҳтимолий трансфер юзасидан алоқа ўрнатган.
Қайд этилишича, «асаларилар» Юлианни жамоанинг етакчиларидан бири деб ҳисобламоқда ва унга янги шартнома таклиф қилишни режалаштирган.
Дортмундликлар норвегиялик футболчи учун камида 30 миллион евро таклиф қилинган тақдирдагина уни қўйиб юборишга тайёр.
Ўтган мавсумда Рюэрсон барча турнирларда 42 та ўйинда иштирок этиб, 18 та голли узатмага муаллифлик қилди.
Унинг «Боруссия» билан амалдаги шартномаси 2028 йилнинг ёзига қадар амал қилади. Transfermarkt маълумотларига кўра, футболчининг бозор қиймати 25 миллион евро.
