«Манчестер Юнайтед»нинг собиқ футболчиси Луи Саа қайси футболчи манкунианликларни сезиларли даражада кучайтириши мумкинлигини айтди.
«Брэдли Барколя «Манчестер Юнайтед» учун идеал харид бўларди. Унинг характери кучайганини пайқадим. У кетма-кет икки марта Чемпионлар лигасида ғолиб чиқди, унда ўзига ишонч ва тажриба бор. У жуда ёш ва кучга тўла. Захирадан майдонга тушиб, дарҳол жамоага фойда келтиришни бошлаш осон эмас, лекин у тўпни олиб юришни, рақибни алдаб ўтишни ва ажойиб координацияни намойиш этишни билади.
Ундаги мувозанат деярли Дезире Дуэникига ўхшайди. Дуэ жуда иқтидорли ва бир ўйинда 15 км югуриши мумкин. Барколяда тўғри мувозанат бор ва у ажойиб югуришларни амалга оширади. Менимча, у Чемпионлар лигасида иштирок этадиган жамоа учун ажойиб ўйинчи. У доимо фойда келтирадиган ўйинчилардан», — дея Саанинг сўзларидан иқтибос келтиради Tribal Football.
