Лондоннинг «Челси» клуби ҳужумкор яримҳимоячиси Морган Рожерс дербида «Арсенал»га имконият бой берилгач (1:2), интервю берди.
Айнан Рожерс ўйинда ҳисобни очишга муваффақ бўлди – у 2-дақиқадаёқ рақиб дарвозасини ишғол этди. «Тўпчилар» 25-дақиқада мувозанатни тиклаган бўлса, иккинчи бўлим бошида олдинга чиқиб олишди ва қолган дақиқаларда устунликни қўлдан чиқаришмади.
«Албатта, ҳали қиладиган ишларимиз етарли, аммо ҳаммаси ҳали олдинда. Биз яхши белгиларни кўряпмиз ва йўлнинг аввалида турибмиз, бизни мунтазам равишда қўллаб-қувватлашмоқда. Олдимизда фақат битта йўл қолмоқда – олға ҳаракатланиш», – дея 24 ёшли футболчи сўзларидан иқтибос келтирди The Touchline.
Эслатиб ўтамиз, Морган Рожерс шу йил ёзда «Астон Вилла»дан «Челси» сафига келиб қўшилди. Футболчи трансфери учун курашда узоқ вақт айнан «Арсенал» етакчилик қилаётганди, лекин якунда Морган «аристократлар»ни танлади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади