Испаниялик теннисчи, дунёнинг учинчи ракеткаси Карлос Алкарас узоқ муддатли спорт фаолиятига интилишини ва бунинг учун алоҳида мусобақалардан воз кечишга тайёрлигини маълум қилди.
«Мен ҳақиқатан ҳам фаолиятим жуда узоқ давом этишини, яна 10-15 йил мобайнида кортда бўлишни хоҳлайман. Мен руҳий саломатлигим ва танам ҳақида ғамхўрлик қилишим кераклигини яхши биламан. Бунга эришиш учун мен маълум даврларда танаффус қилишим керак. Қачонлигини айтолмайман. Ахир ҳафта давомида нечта ўйин ўйнашингни ва навбатдаги мусобақада қанчалик узоққа боришингни олдиндан билиб бўлмайди» - дея Алкараснинг сўзларини иқтибос келтирди US Open матбуот хизмати.
Маълумот учун, жорий мавсумда 23 ёшли теннисчи билагидан олган жароҳати туфайли апрел ойидан август ойининг охиригача расмий мусобақаларда иштирок эта олмади.
Аввалроқ Алкарас америкалик Томми Полни 6:4, 6:3, 6:4 ҳисобида мағлуб этиб, US Open чоракфиналига чиқди ва яримфинал йўлланмаси учун Бен Шелтон билан баҳс олиб боради.
