Англиялик ҳужумчи Маркус Рэшфорд «Манчестер Юнайтед» ихтиёрига қайтади. Бу ҳақда The Guardian хабар берди.
Манбанинг маълумотига кўра, футболчи янги мавсумни «қизил иблислар»да бошлайди ва Майкл Кэррик қўл остида ўзини кўрсатиш учун имкониятга эга бўлади.
Эслатиб ўтамиз, Рэшфорднинг ўзи «Барселона»да қолишни истаганди, бироқ каталонияликлар клуби ижара муддати якунлангач, уни сотиб олишдан бош тортди.
Рэшфорд — «қизил иблислар» тарбияланувчиси. У умумий ҳисобда асосий жамоа таркибида 426 та ўйин ўтказиб, 138 та гол урган ва 79 та голли узатмага муаллифлик қилган.
Футболчининг клуб билан амалдаги меҳнат шартномаси 2028 йилнинг ўрталарига қадар мўлжалланган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади