«Манчестер Сити» бош мураббийи Хосеп Гвардиола Англия лига кубоги финалида «шаҳарликлар»нинг биринчи голини қандай нишонлагаини ҳазиломуз тарзда изоҳлади.
Манчестер клуби финалда «Арсенал»ни 2:0 ҳисобида мағлуб этиб, 9-марта ушбу совринни қўлга киритди. Нико О'Райли дубл муаллифи бўлди.
60-дақиқада «Манчестер Сити»нинг биринчи голини нишонлар экан, Пеп сакраган ҳолда реклама шитини тепди.
«Мен ҳам голларни нишонлайман, ахир сунъий интеллект эмасман – ҳозирча. Мен инсонман», – деди Гвардиола ўйиндан сўнг.
