«Манчестер Сити» футболчиси Нико O'Райли Англия Премер-лигасининг 2025/26 йилги мавсумидаги энг яхши ёш футболчиси деб топилди. Бу ҳақда мусобақа матбуот хизмати хабар берди.
«Ҳужумда ёрдам бериш ва ҳимояда ишончли ўйнаш. Нико O'Райли буларнинг барчасини уддалай олади», — дейилади АПЛ баёнотида.
21 ёшли футболчи ушбу мавсум чемпионатда 34 та баҳсда майдонга тушиб, 5 та гол ва 3 та ассист қайд этди.
Маълумот учун, O'Райлининг «Манчестер Сити» билан амалдаги шартномаси 2030 йил ёзига қадар амал қилади. Тransfermarkt портали футболчини 50 миллион еврога баҳолаган.
