«Олтин тўп» топшириш маросими ҳамон футбол тақвимининг асосий воқеаларидан бири бўлиб қолмоқда ва бу йил уни деярли барча хоҳловчилар томоша қилиш имкониятига эга бўлади. DAZN тадбирни дунёнинг деярли ҳар бир бурчагида жонли эфирда ва мутлақо бепул намойиш этишини эълон қилди.
Тақдирлаш маросими 2026 йил 26 октябрда Лондонда бўлиб ўтади. Эркаклар ва аёллар номинациялари бўйича ғолиблар номлари номзодлар рўйхати эълон қилинганидан сўнг маълум бўлади. Мазкур мукофот 1956 йилдан бери мавжуд бўлиб, «France Football» журнали уни мавсумдаги ўйинлар, жамоавий натижалар ва футболчиларнинг майдондан ташқаридаги хулқ-атворини инобатга олиб топширади.
Ўтган мавсумда эркаклар ўртасидаги «Олтин тўп» «Пари Сен-Жермен» етакчиси Усмон Дембелега насиб этган бўлса, аёллар ўртасидаги совринни кетма-кет учинчи марта «Барселона» футболчиси Айтана Бонмати қўлга киритди. Трансляциядан ташқари, DAZN спорт трансляциялари ва рақамли хизматлар йўналишларида маросимнинг глобал ҳамкорига айланади.
