«Ковентри» жамоаси устози Фрэнк Лэмпард Англия премер-лигаси 3-тури доирасидаги «Манчестер Сити»га қарши баҳсда имконият бой берилган бўлса-да (0:1), шогирдлари ўйинидан мамнун.
Мутахассиснинг сўзларига кўра, дебютант кучли рақибга қарши анча ишончли ва хотиржам ҳаракат қилди.
«Сити» билан баҳсда биз мағлубиятга лойиқ эмасдик. Биз вақт ўтгани сари ўйинимизни кучайтириб бордик. Албатта, рақиб вазиятларга эга бўлди, аммо биз катта кўламдаги ишни амалга оширдик. Тушкун ҳолатдаман, биз ўзимиз муносиб бўлган натижага – бир очкога эриша олмадик», - дея Лэмпард сўзларидан иқтибос келтирди BBC.
Қаторасига 3 та мағлубиятдан кейин «Ковентри» Англия чемпионати жадвалида охирги ўринни эгаллаб турибди.
