«Манчестер Юнайтед»нинг собиқ ҳимоячиси Гари Невилл Англия Премер-лигаси доирасидаги «Лидс»га қарши баҳсда манкунианликлар ғалаба қозонишига ишонмоқда. Унинг фикрича, Лисандро Мартинеснинг сўнгги баёнотлари жамоадошларини бирлаштирган бўлиши мумкин.
Сешанба куни «Манчестер Юнайтед» Чемпионлар лигасида «Атлетико»га 0:2 ҳисобида имкониятни бой берди. Натижада жамоанинг барча мусобақалардаги ғалабасиз серияси бешта баҳсга етди. Ўйиндан кейин Мартинес клуб раҳбариятини танқид қилди, бироқ кейинчалик узр сўради ва «Лидс»га қарши баҳсда асосий таркибдан жой олди.
«Менимча, «МЮ» ғалаба қозонади. Балки бу шунчаки кўр-кўрона ишончдир. Мартинеснинг ушбу ҳафтадаги ҳаракатларидан кейин жамоада жиддий йиғилиш бўлиб ўтган деб ўйлайман. Агар «МЮ» «Атлетико»га қарши ўйнагандек ҳаракат қилса, ғалаба қозониш учун яхши имкониятга эга бўлади. Ўша баҳсда жамоа муносиб ўйин кўрсатди, «Атлетико» эса «Лидс»дан кучлироқ», — дея Невиллнинг сўзларини Standart нашри келтирди.
Эслатиб ўтамиз, «Лидс» ва «Манчестер Юнайтед» ўртасидаги баҳс 18 октябр куни Тошкент вақти билан соат 18:00 да бошланиши белгиланган.
