«Манчестер Юнайтед» «Кристал Пэлас» ҳужумчиси Жан-Филипп Матетага қизиқиш билдирмоқда. Инсайдер Николо Скира ижтимоий тармоқлардаги саҳифасида хабар беришича, «қизил иблислар» франциялик футболчининг келажаги билан боғлиқ вазиятни кузатиб бормоқда.
Манбага кўра, Англия клуби қишки трансфер ойнаси олдидан 29 ёшли ҳужумчининг ҳолатини ўрганмоқда. Матетанинг «Кристал Пэлас» билан шартномаси келаси йилнинг ёзида якунига етади. Ҳозирча томонлар ҳамкорликни узайтириш борасида келишувга эришмаган.
Маълумот учун, Матета 2021 йилдан буён «Кристал Пэлас» сафида тўп тепмоқда. Франциялик футболчининг Тransfermarkt порталидаги бозор қиймати 30 миллион еврога баҳоланган.
Эслатиб ўтамиз, Матета ушбу мавсум АПЛ доирасида тўртта баҳсда майдонга тушган ва қизил карточка олган.
