«Реал» ҳужумчиси Эндрик фаолиятини Англияда давом эттириши мумкин.
Бразилиялик футболчига «Манчестер Юнайтед» қизиқиш билдирмоқда. «Қизил иблислар» аллақачон футболчининг вакиллари билан алоқа ўрнатган.
Айни пайтда «Реал» Эндрикни сотиб олиш ҳуқуқисиз ижарага беришга тайёр. «Манчестер Юнайтед» эса футболчини кейинчалик сотиб олиш ҳуқуқи бўлган ижара вариантига рози бўлади.
Маълумот учун, Эндрик ўтган мавсумни Франциянинг «Лион» клубида ижара асосида ўтказганди. Аввалроқ «Рома» футболчи учун асосий даъвогар экани маълум қилинганди.
