«Милан» яримҳимоячиси Лука Модрич Хорватиянинг 2025 йилдаги энг яхши футболчиси деб топилди. Бу ҳақда «россонери» матбуот хизмати хабар берди.
40 ёшли футболчи ушбу мукофотни фаолияти давомида 14-марта, кетма-кет эса 10-марта қўлга киритди. Хорватия футбол иттифоқи (HNS) совринни аллақачон яримҳимоячига топширган.
2025/2026 йилги мавсумда Модрич клуб даражасидаги барча турнирларда 35 та ўйинда иштирок этиб, 2 та гол ва 3 та ассист муаллифи бўлди. Унинг амалдаги шартномаси 2026 йил 30 июнга қадар мўлжалланган.
Аввалроқ Луканинг топ-5 чемпионатлардаги 550-ўйинини ўтказгани маълум қилинганди.
