15-турнинг яна бир ўйини Бухорода «Бухоро» ҳамда «Локомотив» жамоалари ўртасида ўтказилди. Ушбу ўйин 2:1 ҳисобида майдон эгаларининг фойдасига ҳал бўлди.
Баҳсдан кейин эса матбуот анжумани уюштирилди. Унда меҳмонлар бош мураббийи Мирко Еличи қатнашиб, ўз фикрларини билдириб ўтди.
- Бугунги ўйинингиз ҳақида фикрингиз қандай?
- Аввало, рақибни қўлга киритилган очколар билан табриклаймиз. Бугунги натижа биз учун муҳим эди. Жамоа ҳар бир очкони қўлга киритиш учун ҳаракат қилди. Албатта, осон бўлмади. Рақиб ҳам яхши ўйнади, футболчиларимиз ҳам кўп ҳолатларда бир-бирини қўллаб-қувватлашди. Иккала жамоа фақат уч очко учун курашишди. Жамоанинг ҳаракати, футболчиларнинг меҳнати менга ёқди.
- Ҳакамлик ҳақида фикрингиз қандай?
- Бу ҳақда аввал ҳам айтганман. Ҳозир ҳакамлар сунъий интеллект ёки технологиялар таъсирида ҳар бир кичик вазиятни қайта-қайта кўриб чиқишяпти. Кун охирида бу тўғри қарор бўлиши мумкин, лекин баъзан ўйиннинг табиий руҳини ҳам ҳис қилиш керак.
Футболда ўйиннинг суръати, таъсири, ҳиссиёти бор. Ҳар бир майда ҳолатга аралашавериш ҳар доим ҳам яхши эмас. Менимча, энг яхши ҳакам - майдонда деярли кўринмайдиган, ўйинни табиий бошқарадиган ҳакам.
Бугун эса эътибор жуда кўп ҳакамга қаратилди. Менимча, бу унга ҳам ёрдам бермайди. Буни кўриш мумкин. Чемпионатда ҳам бу услуб тобора кўпроқ қўлланиляпти. Ҳакамларнинг роли анча ошган. Шахсан мен бунга унчалик ижобий қарамайман», - дея Еличични сўзларини келтиради Tribuna.uz журналисти.
