«Милан» ҳужумчиси Рафаел Леау ёзги трансферлар ойнасида клубини тарк этиши мумкин. Бу ҳақда журналист Яғиз Сабунжуўғли хабар берди.
Манбага кўра, «россонери» португалиялик футболчининг кетиши бўйича турли вариантларни кўриб чиқишга тайёр. Хусусан, клуб Леауни мажбурий сотиб олиш шарти билан ижарага бериши ёки уни 50 миллион евро эвазига тўлиқ сотиши мумкин.
Рафаел Леау 2019 йилда «Лилл»дан «Милан» сафига 49 миллион евро эвазига келиб қўшилган. Унинг амалдаги шартномаси 2028 йил 30 июнгача мўлжалланган.
2025/26 йилги мавсумда португалиялик ҳужумчи барча мусобақаларда 31 та баҳсда майдонга тушиб, 10 та гол урди ва 3 та голли узатма муаллифига айланди.
Тransfermarkt портали Рафаел Леаунинг трансфер қийматини 65 миллион евро деб баҳоламоқда.
Мухлислар бу янгиликни Telegram’да муҳокама қилмоқда
Изоҳлар Telegram’да очилади