Месси мундиаллардаги ассистлари сонини 10 тага етказиб олди

Аргентина миллий жамоаси сардори Лионел Месси жаҳон чемпионатларидаги 10-ассистини амалга оширди.

Алексис Мак Аллистер 2026 йилги жаҳон чемпионати чоракфинал босқичи доирасидаги Аргентина — Швейцария учрашувида Мессининг ассистидан кейин гол урди. «Ливерпул» яримҳимоячиси «Интер Майами» футболчисининг бурчак тўпидан ошириб берган узатмасини бош билан дарвозага йўллади.

Бу Лионелнинг жаҳон чемпионатлари тарихидаги 10-голли узатмаси бўлди. 39 ёшли футболчи Мисрга қарши ўйин (3:2)да ўзи ўрнатган рекордни янада яхшилади. Мессидан аввалги рекорд Диего Марадонага тегишли бўлиб, у 8 та ассист амалга оширганди.

Қайд этилишича, Месси ўзининг жаҳон чемпионатларидаги барча 10 та ассистини 10 нафар турли футболчига берган.