«Манчестер Сити» бош мураббийи Энцо Мареска Жек Грилишнинг клубдаги келажаги ҳақида фикр билдирди.
Мутахассиснинг айтишича, жароҳатини тиклаётган футболчига ҳозирча баҳо бериш қийин, бироқ у Грилиш билан ишлашга тайёр.
«Футболчилар билан ҳар куни ишламасангиз, уларга баҳо бериш қийин. Мен унинг нималар қилганини билмайман. Вазият мураккаб», — деди Мареска.
Мураббийнинг таъкидлашича, у Грилиш билан яхши муносабатда ва футболчининг инсоний фазилатларини юқори баҳолайди.
«Қайси клубга бормай, у ердаги футболчилар билан ишлаш менинг вазифам. Жек ҳозир шу ерда. Биз яхши муносабатдамиз ва мен клубни тарк этганимдан бери ҳам алоқада бўлиб келамиз. Унинг қалби жуда катта, ўзи ҳам ажойиб инсон. Кейин нима бўлишини кўрамиз», — деди италиялик мутахассис.
Маълумот учун, Жек Грилиш ўтган мавсумни ижара асосида «Эвертон»да ўтказди. Мерсисайдликлар уни тўлиқ трансфер қилиш ҳуқуқига эга бўлса-да, ушбу банддан фойдаланмади.
