Швейцария миллий жамоаси яримҳимоячиси Йохан Манзамби Канадага (2:1) қарши ўйиндан сўнг учрашувнинг энг яхши футболчиси сифатида эътироф этилди.
20 ёшли футболчи жамоасининг ҳар иккала голида бевосита иштирок этди: дастлаб у голли узатмани амалга оширган бўлса, кейинроқ ўз номини таблога ёздириб қўйди.
Ўйиндан сўнг Манзамбига энг яхши футболчи учун бериладиган махсус совға топширилди.
Эслатиб ўтамиз, Мурат Якин жамоаси Канадани енгиб, плей-офф иштирокчисига айланди.