«Ливерпул» «Брентфорд»нинг ҳужумкор яримҳимоячиси Кевин Шадени январ ойидаги трансфер ойнасида таркибига қўшиб олиш имкониятини кўриб чиқмоқда. Бу ҳақда ТEАМtalk хабар берди.
Манбага кўра, мерсисайдликлар клуби раҳбарияти 24 ёшли вингернинг трансфери бўйича вазиятни ўрганмоқда. «Ливерпул» скаутларининг Шадеяга қизиқиши футболчининг мавсумни яхши бошлагани ортидан кучайган.
Немис футболчиси Англия чемпионатининг дастлабки 5 та баҳсида 3 та гол уришга муваффақ бўлган. Унинг ушбу натижаси «Ливерпул» вакилларининг эътиборини тортган.
Тransfermarkt порталига кўра, Шаденинг трансфер қиймати 35 млн еврога баҳоланмоқда. Футболчининг «Брентфорд» билан амалдаги шартномаси 2028 йил июнигача мўлжалланган. Шу сабабли «Ливерпул» футболчини қўлга киритиш учун «Брентфорд» билан музокара олиб бориши керак бўлади.
Айни пайтда «Ливерпул» АПЛ турнир жадвалида 9 очко билан 6-ўринда бормоқда. «Брентфорд» ҳам 9 очко жамғарган ва қўшимча кўрсаткичлар эвазига 4-ўринни эгаллаб турибди.
Эслатиб ўтамиз, Кевин Шаде 2023 йил январида «Брентфорд»га Германиянинг «Фрайбург» клубидан кўчиб ўтган.
Маълумот учун, 24 ёшли футболчи Германия миллий жамоаси сафида ҳам майдонга тушган.
