Англия миллий жамоасининг собиқ ҳужумчиси Гари Линекер ЖЧ-2026 яримфиналида Аргентинадан учралган мағлубият (1:2) ортидан бош мураббий Томас Тухел ҳақида ҳазиломуз фикр билдирди.
«Ҳазиллашяпман, аммо қизиқ, Томас Тухел немис жосуси эмасмикан.
Гўё ичимизга кириб олгандек. Менимча, Германия ҳозир унчалик кучли эмас, ҳатто гуруҳдан ҳам чиқа олмади. Балки шунинг учун бизга кимнидир юборгандир... Албатта, ҳазиллашяпман», — деди Линекер The Rest is Football подкастида.
Томас Тухел ЖЧ-2026 олдидан Англия миллий жамоаси бош мураббийи этиб тайинланганди. Унинг қўл остида инглизлар яримфиналгача етиб борди, бироқ финал йўлланмаси учун кечган баҳсда Аргентинага имкониятни бой берди.
Эслатиб ўтамиз, Англия миллий жамоаси энди ЖЧ-2026нинг учинчи ўрни учун кечадиган баҳсда Францияга қарши майдонга тушади. Аргентина эса финалда Испания билан жаҳон чемпионлиги учун кураш олиб боради.
Мухлислар бу янгиликни Telegram’да муҳокама қилмоқда
Изоҳлар Telegram’да очилади