Аргентина миллий жамоаси ҳужумчиси Жулиано Симеоне ЖЧ-2026 финали олдидан сардор Лионел Месси ҳақида илиқ фикрлар билдирди.
«Биз Мессининг 39 ёшда эканини биламиз. У футболчи орзу қилиши мумкин бўлган ҳамма нарсага эришган. Шунга қарамай, у ҳамон дунёнинг энг яхшиларидек курашмоқда.
Шу сабабли биз учун фақат битта вазифа қолди — боримизни бериш, Месси ва Аргентина учун охиригача югуриш», — деди Симеоне.
39 ёшли Месси ЖЧ-2026да ажойиб ўйин намойиш этмоқда. У турнир давомида жамоасининг финалга чиқишида ҳал қилувчи рол ўйнади ва мусобақанинг энг сермаҳсул футболчиларидан бири бўлиб турибди.
Эслатиб ўтамиз, Аргентина миллий жамоаси ЖЧ-2026 финалида Испанияга қарши майдонга тушади. Ҳал қилувчи баҳс 19 июл куни бўлиб ўтади.
