Ла Лига футболчилари ўйинлар пайтида энг кўп асабга тегадиган мураббийни танлашди.
ESPN томонидан ўтказилган сўровномада исмини ошкор қилишни истамаган 30 нафар футболчи иштирок этди. Уларнинг 43,3%и энг кўп норозиликни «Атлетико» бош мураббийи Диего Симеонега билдирган.
«Хетафе» устози Пепе Бордалас 23,3% овоз олди, «Вилярреал» мураббийи Марселино — 13,3%.
Шунингдек, «Жирона»дан Мичел (6,6%) ва аллақачон «Реал»дан кетган Хаби Алонсога (3,3%) ҳам «овоз берилган».
Сўровномада иштирок этган ўйинчилардан бири: «Симеоне рақибларни провокация қилишни жуда яхши кўради», — деди. Яна бири эса: «Бордалас ҳамма нарсадан шикоят қилади», — дея фикр билдирди.
