Клопп: «Бразилия учун Анчелоттидан муносиб номзод йўқ. У биргина қош кўтариши билан исталган жамоани бошқара олади»

«Ливерпул»нинг собиқ устози Юрген Клопп Карло Анчелоттининг Бразилия миллий жамоасини бошқараётгани ҳақида фикр билдирди.

– Анчелоттининг Бразилиядаги ишига қандай қарайсиз?

– Жуда яхши. Агар мен бразилиялик бўлганимда ва мендан миллий жамоа учун идеал мураббий кимлигини сўрашганда, иккиланмасдан Карло деб жавоб берган бўлардим. У ҳатто биргига қош кўтариши билан исталган миллий жамоани бошқара олади.

Менимча, Бразилиянинг салоҳияти жуда катта, аммо уни очиб бериш учун кимдир керак. Уларга тактик интизом етишмайди ва бу жиҳатдан уларнинг ўсишига ёрдам беришда Карлодан кўра муносиб номзод йўқ. У — ажойиб мутахассис. Бразилияликларга омад кулиб боққан, — дея Клоппнинг сўзларини келтиради La Gazzetta dello Sport.