«Бавария» ҳужумчиси Ҳарри Кейн келгуси беш йил давомида эришмоқчи бўлган натижалари ҳақида гапирди. 33 ёшли футболчининг таъкидлашича, у фаолиятини якунлаганида ўз олдига қўйган мақсадларига эришганини айта олиши учун бир нечта муҳим совринни қўлга киритиши керак.
Ундан беш йилдан кейин яна шу суҳбатни ўтказишса, фаолиятида нималарга эришган бўлиши кераклиги сўралди.
«Бу вақт ичида «Бавария» билан камида бир марта Чемпионлар лигасида ғолиб чиқишни, шунингдек, Англия миллий жамоаси билан бирор совринни қўлга киритишни истардим», — деди Кейннинг жавобини Bayern & Germany нашри келтирмоқда.
Маълумот учун, Кейн 2023 йил ёзида «Тоттенҳэм»дан «Бавария»га ўтган.
Эслатиб ўтамиз, инглиз ҳужумчиси яқинда фаолиятида илк бор «Олтин тўп» совринини қўлга киритди.
