«Манчестер Юнайтед»нинг афсонавий собиқ ҳужумчиси Дуайт Йорк клубга «ПСЖ» футболчиларидан Бредли Баркола ёки Дезире Дуени трансфер қилишни тавсия этди.
Goal нашрига берган интервюсида Йорк бу икки футболчидан бири «Олд Траффорд» жамоаси учун идеал вариант бўлишини айтди.
«Агар мен Майкл Кэррикнинг ўрнида бўлганимда, Баркола ёки Дуедан бирини албатта сотиб олардим. Ҳаммаси жуда оддий. Уларнинг иккаласи ҳам чап қанотда, ўнг қанотда ёки ҳужумнинг исталган нуқтасида ўйнай олади.
Агар Маркус Рэшфорд жамоада қолишни истамаса ва унинг келажаги ноаниқ бўлса, унда Дуе ёки Барколани олиб келиш керак. Айнан шу икки футболчи «Манчестер Юнайтед» учун энг тўғри танлов.
Агар кучли ҳужумчилар ва натижа бера оладиган футболчилар керак бўлса, айнан улардан бирини трансфер қилиш лозим», — деди Йорк.
Маълумот учун, Бредли Баркола ва Дезире Дуе ЖЧ-2026да Франция миллий жамоаси сафида иштирок этмоқда. Ҳар икки футболчи «ПСЖ»нинг асосий таркиби учун кураш олиб бормоқда ва Англия Премер-лигасининг бир қатор клублари қизиқиш доирасига тушган.
