Швеция миллий жамоасининг собиқ ҳужумчиси Златан Ибраҳимович ЖЧ-2026 яримфиналида бўлиб ўтадиган Англия — Аргентина учрашуви олдидан қизиқарли фикр билдирди.
«Англия аллақачон «Худонинг қўли»ни кўрган. Бу сафар эса улар «Худонинг чап оёғи»ни кўришади», — деди Ибраҳимович ESPNга.
Златан бу сўзлари билан 1986 йилги Жаҳон чемпионатида Диего Марадона Англия дарвозасига қўли билан урган машҳур голга ишора қилди. Ўша баҳсдан кейин аргентиналик афсона ушбу голни «Худонинг қўли» ёрдамида урганини айтган эди.
Эслатиб ўтамиз, Англия ва Аргентина ўртасидаги ЖЧ-2026 яримфинал учрашуви бугун АҚШнинг Атланта шаҳридаги «Мерcедес-Бенз Стедиум»да бўлиб ўтади. Баҳсни америкалик ҳакам Исмоил Элфат бошқаради.
