Хавиер Агирре: «Ўйинимиз ёқмади»

Мексика миллий жамоаси бош мураббийи Хавиер Агирре ЖЧ-2026 очилиш ўйинидаги ЖАРга (2:0) қарши баҳсдан кейин ўз фикрлари билан ўртоқлашди.

«Менга ўйинимиз ёқмади. Албатта, жаҳон чемпионатини ғалаба билан бошлаш ёмон эмас. Биринчи бўлимда бизга иккинчи гол етишмади — тўп устунга тегган вазият бўлди. Иккинчи бўлимда иккинчи голдан кейин бироз бўшашдик. Кучимиз кўпроқ пайтда яна битта гол уришимиз керак эди, аммо бунинг уддасидан чиқолмадик.

Раул Хименес — ажойиб йигит, ҳозир яхши формада ва кучга тўла. Унинг айтишича, бу унга аталган жаҳон чемпионати бўлади.

Сесар Монтеснинг майдондан четлатилиши ишимизни бироз қийинлаштирди. Оддий вазиятда тўпни йўқотдик ва Сесар таваккал қилишга мажбур бўлди. Дарвозага бевосита хавф йўқ эди, аммо ҳозир қоидалар шундай», — дея мезбонлар устозининг сўзларини келтиради Marca.