Гвардиола 10 йиллик фаолиятидан сўнг «Сити»ни тарк этади — Романо

Пеп Гвардиоланинг «Манчестер Сити»даги фаолияти якунига етмоқда.

Инсайдер Фабрицио Романо хабар беришича, испаниялик мутахассис Англия чемпионати якунига етгач, истеъфога чиқишга қарор қилди.

Клуб аллақачон ҳамкор ва ҳомийларга Пепнинг кетиши муқаррарлигини маълум қилган.

Расмий хабар якшанба куни — АПЛнинг сўнгги тури олдидан эълон қилиниши кутилмоқда.

Гвардиоланинг ўрнини эгаллашга асосий ва ягона номзод Энцо Мареска бўлиб турибди. Ўз вақтида «Сити»да Пепга ёрдамчилик қилган италиялик мутахассис январ ойида «Челси»да ишдан бўшатилганидан бери ишсиз бўлиб турибди.

Гвардиола «Манчестер Сити»ни 2016 йилдан бери бошқаради. Унинг қўл остида «шаҳарликлар» 20 та соврин ютишди.