«Наполи» яримҳимоячиси Кевин Де Брюйне Англия Премер-лигасига қайтиши мумкин. Calciomercato хабарига кўра, «Эвертон» вакиллари белгиялик футболчи билан аллақачон боғланган.
Аввалроқ Неапол клуби юқори маош оладиган футболчи билан январ ойида хайрлашиш имкониятини жиддий кўриб чиқаётгани ҳақида хабар берилганди. «Эвертон» эса 35 ёшли яримҳимоячини қишки трансфер ойнасида, унинг «Наполи» билан шартномаси якунланишига олти ой қолганида, таркибга қўшиб олишга уриниши мумкин.
Маълумот учун, Де Брюйне 2015 йилдан 2025 йилгача «Манчестер Сити» сафида тўп тепган.
Эслатиб ўтамиз, белгиялик футболчи ушбу мавсум «Наполи» сафида 15 та баҳсда қатнашиб, 4 та гол ва 2 та голли узатмага муаллифлик қилган.
