«Манчестер Сити»нинг чап қанот ҳимоячиси Раян Аит-Нури қишки трансфер ойнасида жамоани тарк этиш ниятида. Бу ҳақда журналист Саша Таволиери хабар бермоқда.
Манба маълумотларига кўра, жазоирлик 25 ёшли футболчининг хизматларига Италиянинг икки клуби — «Ювентус» ва «Наполи» қизиқиш билдирмоқда.
Таъкидланишича, А Серия грандлари вакиллари аллақачон унинг атрофидаги шахслар билан музокара олиб бормоқда.
Аит-Нури бу мавсумда барча турнирлар доирасида тўртта учрашувда майдонга тушиб, ўз ҳисобида учта голли узатмани қайд этган.
Transfermarkt портали маълумотларига кўра, ҳимоячининг бозор қиймати 35 миллион еврони ташкил этади.
