«Милан»нинг қанот ҳужумчиси Кристиан Пулишич фаолиятини Туркия чемпионатида давом эттириши мумкин.
Tuttomercato хабарига кўра, АҚШ миллий жамоаси футболчиси ёзги трансфер ойнасида ҳужум чизиғини кучайтиришни режалаштираётган «Галатасарой»нинг асосий трансфер мақсадларидан бирига айланган.
Бироқ манбанинг таъкидлашича, «Милан» 27 ёшли футболчини сотишни режалаштирмаяпти. Клуб раҳбарияти, жумладан, клуб эгаси Жерри Кардинале ҳам Пулишични жамоанинг асосий етакчиларидан бири сифатида кўрмоқда.
Америкалик футболчи 2025/26 йилги мавсумда «россонери» сафида барча мусобақаларда 34 та баҳсда майдонга тушиб, 10 та гол ва 4 та голли узатма муаллифига айланди.
Қайд этиш жоиз, Кристиан Пулишичнинг «Милан» билан амалдаги шартномаси келаси ёзгача амал қилади. Шу боис унинг келажаги ёзги трансфер ойнасининг асосий мавзуларидан бирига айланиши мумкин.
