Бу ҳақда SportMediaset хабар берди.
«Манчестер Сити»нинг ҳужумкор яримҳимоячиси Фил Фоден ушбу трансфер ойнасида Италиянинг «Милан» клуби сафига бориб қўшилиши мумкин.
Манбанинг хабарига кўра, «Милан» 26 ёшли футболчи хизматларига қизиқиш билдирмоқда. Клуб агарда Рафаэл Леауни сотиб юборса, англиялик футболчи трансферини амалга ошириши мумкин.
Таъкидланишича, Фоденнинг амалдаги шартномаси муддати якунланишига бир йил қолгани сабабли ўйинчи хизматлари бир қанча клубларга таклиф қилинган.
Ўтган мавсумда Фоден барча мусобақаларни инобатга олганда 50 та ўйинда майдонга тушиб, 10 та гол урди ва 7 та голли узатма етказиб берди.
Transfermarkt портали Филнинг актуал трансфер нархини 70 миллион еврога баҳоламоқда.
