«Барселона» яримҳимоячиси Френки де Йонг ёзги трансфер ойнасида бошқа клубга ўтиши мумкинлиги ҳақидаги гап-сўзларга муносабат билдирди.
«Мен бу ёзда «Барса»дан кетмайман. Хаёлимга ҳам бундай фикр келмаган», — дея футболчининг сўзларини келтирди The Touchline ижтимоий тармоқдаги саҳифасида.
Нидерландиялик футболчи 2019 йилдан буён каталония клуби сафида тўп тепиб келмоқда. У 2025/26 йилги мавсумда клуб миқёсида 37 та баҳсда майдонга тушиб, 1 та гол ва 8 та ассист қайд этди.
Маълумот учун, Френки де Йонгнинг «Барселона» билан амалдаги шартномаси 2029 йилнинг июнь ойигача мўлжалланган. Тransfermarkt портали футболчини 45 миллион еврога баҳолаган.
