«Барселона» бош мураббийи Ҳанс-Дитер Флик клубнинг Ламин Ямални «Олтин тўп» учун қўллаб-қувватлаётгани ҳақида фикр билдирди.
«Нега бундай қилмаслигимиз керак? Бу бизнинг футболчимиз ва биз ўз футболчиларимизни қўллаб-қувватлаймиз. Ҳар доим шундай бўлган. Мен ўзига ишонган футболчиларни қўллаб-қувватлайман. Ҳозир эса яхши ўйин намойиш этяпмиз.
Бу бизнинг футболчиларимиз. Мен ҳар куни машғулотларда уларнинг жамоага қандай ҳисса қўшаётганини кўраман. Албатта, уларни бемалол қўллаб-қувватлай оламан», — деди Флик АS нашрига.
Эслатиб ўтамиз, Флик аввал ҳам Ямал «Олтин тўп»ни қўлга киритишга лойиқ эканини таъкидлаб, 19 ёшли футболчини ўзига хос ва алоҳида футболчи деб атаганди.
Маълумот учун, Ямал 2026 йилги «Олтин тўп» учун 30 нафар номзод қаторидан жой олган. Тақдирлаш маросими 26 октабр куни Лондонда бўлиб ўтади.
Telegram’да биринчи бўлиб фикр билдиринг
Муҳокамага ўтишИзоҳлар Telegram’да очилади