Бразилиялик ҳужумчи Габриэл Жезус трансфер ойнаси даврида Лондоннинг «Арсенал» клубидан Каталониянинг «Барселона» жамоаси сафига кўчиб ўтди.
Футболчининг ўзи ушбу трансферга қандай муносабатда бўлганинини айтиб ўтди.
«Бу кутилмаган ҳолат эди, дея олмайман. Музокаралар анча вақтдан буён давом этарди. Каталонияликлар бошқа футболчини сотиб олишни мақсад қилганди, аммо келишув барбод бўлди. Келишувни амалга ошириш имконияти пайдо бўлганида, шундай йўл тутишим барча учун яхши бўлишини англаб етдим», - дея форвард сўзларидан иқтибос келиради Испаниянинг Sport.es нашри.
Маълумот учун, «Барселона» 29 ёшли футболчи учун «тўпчилар»га 10 миллион евро тўлаб берди. Жезус Каталония гранди билан 3 йиллик шартнома имзолади.
Эслатиб ўтамиз, Испания чемпионати ушбу мавсумида бразилиялик «кўк-анорранглилар» сафида 1 та ўйинда майдонга тушиб улгурди.
