«Реал» ва «Барселона» «Манчестер Сити» ҳужумчиси Эрлинг Ҳоланднинг 2027 йилда трансферини амалга ошириш имкониятини ўрганмоқда. Бу ҳақда ТEАМtalk хабар берди.
Манбага кўра, ҳар икки клуб норвегиялик футболчи келаси йили фаолиятини ўзгартириш вариантини кўриб чиқиши мумкин, деб ҳисобламоқда. Ҳоланд 2025 йил бошида «Манчестер Сити» билан тўққиз йиллик янги шартнома имзолаган.
Аввалроқ клуб манбалари шартномада футболчининг олдинги келишувларида мавжуд бўлган товон пули бандлари чиқариб ташланганини билдирганди. Бироқ «Реал» ва «Барселона»га яқин манбалар Ҳоланд шартномасида унинг «Этиҳад»ни тарк этишига имкон берувчи айрим бандлар бўлиши мумкинлигини тахмин қилмоқда.
Шунингдек, Ҳоланд ва «Манчестер Сити» раҳбарияти ўртасида норвегиялик футболчи ўзига янги чақириқ керак, деган қарорга келган тақдирда вазиятни муҳокама қилиш бўйича келишув мавжудлиги айтилмоқда. Ҳозирча ҳужумчи клубни тарк этиш истагини билдирмаган ва «Манчестер Сити»га содиқ қолмоқда.
