Бу ҳақда BBC хабар бермоқда.
Жаҳон чемпионати-2026да ҳакамлик қилиш учун ташриф буюрган, аммо Америка Қўшма Штатларига киришга рухсат берилмаган сомалилик ФИФА ҳаками Омар Абдулқодир Артан мусобақадаги иштироки учун белгиланган маошини тўлиқ олади.
Манбага кўра, Артаннинг жаҳон чемпионатида иштирок этмаганига қарамай, ФИФА унинг маошини тўлаб беришга ваъда берди. Ҳакамлар жаҳон чемпионатида ишлаган ўйини учун аниқ маош миқдорини билишмайди, чунки тўловлар мусобақа якунлангандан сўнг амалга оширилади.
2025 йилда Африка футбол конфедерацияси (КАФ) томонидан йилнинг энг яхши футбол ҳаками деб топилган Омар Артан, 12 август куни Австриянинг Залцбург шаҳрида «Пари Сен-Жермен» ва «Астон Вилла» ўртасидаги УЕФА Суперкубоги ўйинини бошқариб бориши кутилмоқда.
Аввалроқ Омар Артан АҚШга киришга рухсат ололмаганди. Артан дипломатик паспорт билан мамлакатга, Майами халқаро аэропортига келган, аммо унга киришга рухсат берилмаган. Натижада ҳакамни Туркияга қайтариб юборишган.
