Норвегиялик яримҳимоячи Мартин Эдегор «Арсенал»ни тарк этиши мумкин. Бу ҳақда Teamtalk хабар берди.
«Тўпчилар» раҳбарияти 27 ёшли скандинавиялик футболчининг трансфери бўйича тушадиган таклифларни кўриб чиқишга тайёр. Жамоа Эдегорнинг эҳтимолий трансферидан тахминан 90 миллион евро ишлаб олишни режалаштирмоқда.
Маълумот ўрнида, Мартин 2021 йил ёзидан буён «Арсенал» сафида тўп тепиб келмоқда. Унинг клуб билан шартномаси 2028 йил июн ойи охиригача амал қилади.
Аввалроқ Эдегор «Арсенал»даги келажаги бўйича қарор қабул қилгани ҳақида хабар берилганди.
