Деку: «Ферраннинг ўрнини тўлдириш мумкин, аммо Левандовскининг ўрнини босиш жуда қийин»

«Барселона» спорт директори Деку Ферран Торрес ва Роберт Левандовскининг клубдан кетиши ҳақида фикр билдирди.

Ферран Торрес бу ёзда 50 млн евро эвазига «ПСЖ»га ўтди. Левандовски эса каталонияликларни эркин агент сифатида тарк этиб, «Чикаго Файр» сафига қўшилди.

«Икки футболчи — Ферран ва Роберт кетди. Биз Ферраннинг ўрнини янги футболчилар билан тўлдиришимиз мумкин, аммо Робертнинг ўрнини босиш жуда қийин.

Ҳатто яхши футболчи топсак ҳам, бу жуда мураккаб бўлади, чунки у бизнинг давримизни белгилаб берган футболчи эди. Бизда ички вариантлар бор, аммо, албатта, айрим чораларни кўрамиз. Гап энг яхши ечимни топиш ҳақида кетмоқда. Мавсум охирига қадар нималар қила олишимизни тушуниш устида ишлаяпмиз.

Ҳар қандай футболчи бу ерга ўтишни хоҳлайди. Топ-даражадаги футболчиларни жалб қилиш учун эса лойиҳа керак. Бу ерга келган футболчиларни ҳам шу нарса ҳайратлантирди. Уларнинг барчаси совринларни қўлга киритиш ва тарих яратишни хоҳлайди», — дея Декунинг сўзларини келтиради Mundo Deportivo.