«Ливерпул» билан шартномаси якунланиб, «Реал»га эркин агент сифатида ўтган ҳимоячи Ибраима Конате мадридликлар футболчиси сифатида таништирилганидан сўнг ўз фикрлари билан ўртоқлашди.
«Бу мен учун жуда катта аҳамиятга эга, чунки менинг биринчи футболкам «Реал» либоси бўлган. Уни менга катта акaм совға қилганди. Шундан бери доимо ушбу фантастик жамоада ўйлашни орзу қилардим ва бугун орзум амалга ошганидан бахтлиман.
Биламанки, клуб бу футболкани кийган ҳар бир футболчидан жуда катта натижалар кутади. Мен бу ерга жамоа учун курашиш, майдонда ва унинг ташқарисида бор кучимни бериш учун келдим.
Бу ерда ўзимни жуда яхши ҳис қиляпман. Фақат бир нарсадан — 2022 йилда Парижда бўлиб ўтган финалдан — афсусдаман. Чунки ўша пайтда мен «Ливерпул» сафида ўйнаганман ва ўшанда «Реал» яна Чемпионлар лигасида ғолиб чиққанди.
«Реал» тарихининг бир қисмига айланишни, совринларни қўлга киритишни, жамоа билан Чемпионлар лигасида ғалаба қозонишни ва абадий унинг тарихида қолишни хоҳлайман. Ушбу футболка учун боримни беришга ваъда бераман», — дея Конатенинг сўзларини келтиради клуб расмий сайти.
Конате: «Болалигимдаги илк либосим «Реал»ники бўлган. Шундан бери ушбу фантастик жамоада ўйнашни орзу қилардим»
Футбол
21 август, 01:45
Франциялик ҳимоячи Мадрид клуби аъзоси сифатида таништирилганидан сўнг ўз фикрлари билан ўртоқлашди.
Foto: Real Madrid
Мухлислар бу янгиликни Telegram’да муҳокама қилмоқда
Изоҳлар Telegram’да очилади