«Тоттенҳэм Хотспур» бош мураббийи Роберто Де Зерби жамоа ҳужумчиси Доминик Соланке ва яримҳимоячиси Ҳави Симонснинг ҳолати ҳақида маълумот берди.
Ҳар икки футболчи «Вулверхэмптон»га қарши АПЛ 34-тур учрашувида (1:0) жароҳат олган эди.
«Соланкеда мушак жароҳати бор. У қанчалик жиддий эканини ҳозирча билмайман, Хавида эса тиззасида муаммо бор, душанба ёки сешанба куни аниқроқ маълумотга эга бўламиз.
Доминикдаги жароҳат унчалик жиддий эмас, у қанча ўйинни ўтказиб юбориши мумкинлигини билмайман. Хавининг ҳолатини ҳам билишим керак, чунки тизза билан боғлиқ жароҳатлар ҳар доим мушак жароҳатидан фарқли бўлади. Симонс оғриқ ҳис қилди, лекин ҳозир, икки дақиқа олдин у билан гаплашдим, ўзини жароҳат эпизодидагидан кўра яхшироқ ҳис қилмоқда», — дея Де Зербининг сўзларидан иқтибос келтиради Лондон клуби расмий сайти.
