«Тоттенҳэм» клуби Матеуш Фернандеш трансферини расман эълон қилди.
Аввалроқ ОАВ «Вест Ҳэм» 20 ёшли португалиялик футболчи учун 99 миллион евро талаб қилгани ҳақида хабар берганди. Футболчига қизиқиш билдирган «Манчестер Юнайтед» ушбу нархни юқори деб ҳисоблаган бўлса, «Тоттенҳэм» белгиланган суммани тўлаб, трансферни якунлади.
Ўтган мавсум Матеуш Фернандеш барча мусобақаларда 42 та учрашувда майдонга тушиб, 5 та гол ва 5 та голли узатмага муаллифлик қилди.
Эслатиб ўтамиз, футболчининг «Вест Ҳэм» билан амалдаги шартномаси 2030 йилнинг ёзига қадар амал қиларди.
Маълумот учун, Тransfermarkt портали Матеуш Фернандешнинг трансфер қийматини 50 миллион еврога баҳоламоқда.
