«Фулҳэм» клуби Алваро Арбелоанинг бош мураббий этиб тайинланганини ҳали расман эълон қила олмаяпти.
Sky Sports хабарига кўра, бунга испаниялик мутахассис учун ишлаш рухсатномаси ҳали расмийлаштирилмагани сабаб бўлмоқда. Томонлар асосий шартлар бўйича келишувга эришган ва айни пайтда Лондон клуби янги мураббийнинг штабини шакллантириш ишларини якунламоқда.
«Фулҳэм» Арбелоа тайинланганини келаси ҳафта расман эълон қилишни режалаштирмоқда. Клуб янги бош мураббий мавсумолди йиғинлари бошланишидан олдин ишга киришишини истамоқда. Футболчилар таътилдан июл ойи охирида қайтиши кутилмоқда.
Эслатиб ўтамиз, Алваро Арбелоа бунгача Мадриднинг «Реал» клубида мураббийлик қилган.
Маълумот учун, Арбелоанинг «Фулҳэм»даги илк вазифаларидан бири жамоани янги мавсумга тайёрлаш ва мавсумолди йиғинларига бошчилик қилиш бўлади.
