«Тоттенҳэм» ҳимоячиси Кристиан Ромеро фаолиятини Италия А Сериясида давом эттириши мумкин.
Журналист Жанлука Ди Марционинг хабарига кўра, футболчининг агентлари аргентиналик ҳимоячини «Ювентус» ва яна бир нечта клубларга таклиф қилган. Турин клуби ушбу трансфер имкониятини кўриб чиқмоқда.
Манба таъкидлашича, Ромеро жорий ёзда «Тоттенҳэм»ни аниқ тарк этади.
Эслатиб ўтамиз, Кристиан Ромеро 2022 йилда «Аталанта»дан «Тоттенҳэм»га 53 миллион евро эвазига трансфер қилинганди.
Маълумот учун, 2025/26 йилги мавсумда 27 ёшли ҳимоячи барча мусобақаларда 32 та учрашувда майдонга тушиб, 6 та гол урди ва 4 та голли узатмага муаллифлик қилди. Тransfermarkt портали унинг трансфер қийматини 45 миллион еврога баҳоламоқда.
