«Тоттенҳэм» бош мураббийи Роберто Де Зерби яримҳимоячи Лукас Бергваллнинг келажаги борасида ўз фикрларини билдирди.
ESPN хабарига кўра, италиялик мутахассис клубда қолишни истамайдиган футболчилар жамоани тарк этиши кераклигини таъкидлади.
«Мен «Тоттенҳэм»га келганимдаёқ ўз позициямни аниқ айтганман. Бу ерда бўлишни истамайдиган, бахтли бўлмаган ва ушбу клуб шарафини ҳимоя қилишдан фахрланмайдиган футболчи кетиши керак», — деди Де Зерби.
Мураббий ҳозирча Бергвалл билан шахсан суҳбатлашмаганини, бироқ яқин кунларда бу масалани муҳокама қилишини айтди.
«Мен ҳали Лукас билан гаплашмадим. Яқин кунларда суҳбатлашамиз ва клуб, унинг ўзи, мен ҳамда барчамиз учун энг яхши ечимни топамиз. Ҳеч қандай можаро йўқ. Лукас жуда, жуда катта истеъдод», — дея қўшимча қилди мутахассис.
Эслатиб ўтамиз, аввалроқ «Тоттенҳэм» Лукас Бергвалл бўйича «Ноттингҳэм Форест» ва «Нюкасл»нинг таклифларини рад этганди.
