Ла Лиганинг 10-турида «Реал» сафарда «Расинг»ни 3:0 ҳисобида мағлуб этди. Голлардан бирига Жуд Беллингҳэм муаллифлик қилди.
Эътиборлиси, англиялик яримҳимоячи ушбу голи орқали мадридликларнинг собиқ футболчиси Зинедин Зидандан ўзиб кетди. Франциялик футболчи «Реал» сафида 49 та гол урган бўлса, Беллингҳэм ҳисобида энди 50 та гол бор.
Аввалроқ мадридликлар Беллингҳэм билан шартномани узайтиришни режалаштираётгани ҳақида хабар берилганди. Клуб уни жамоанинг энг кўп маош оладиган иккинчи футболчисига айлантиришга тайёр. Бу борада ундан фақат Килиан Мбаппе юқорида бўлади.
Маълумот ўрнида, «қироллик клуби» 2023 йилда Беллингҳэмни Дортмунднинг «Боруссия» клубидан 127 миллион евро эвазига сотиб олган. У бу мавсум барча мусобақалар доирасида 14 та учрашувда майдонга тушиб, 4 та гол ва 3 та ассист муаллифига айланди.
