«Барселона» ҳимоячиси Эктор Форт Дортмунднинг «Боруссия» клуби қизиқишлари доирасида. Мundo Deportivo маълумотига кўра, немис клуби футболчи трансферининг асосий даъвогари ҳисобланади.
Каталония клуби 19 ёшли ҳимоячини 15–20 миллион еврога баҳоламоқда. Бироқ «Барселона» Фортнинг кейинги трансферидан тушадиган маблағнинг бир қисмини олиш ҳуқуқини ёки футболчини қайта сотиб олиш бандини сақлаб қолса, трансфер нархини пасайтиришга тайёр.
Манбага кўра, Форт «Барселона» бош мураббийи Ханс-Дитер Фликнинг режаларидан ўрин олмаган.
Маълумот учун, Форт ўтган мавсумни «Элче»да ижара асосида ўтказди ва Ла Лигада 14 та баҳсда майдонга тушиб, 2 та гол урди.
